Zelenski: "Gecə hücumlarında 400-dən çox PUA işə salınıb"
Rusiya Silahlı Qüvvələrinin Ukraynaya gecə zərbələri zamanı 400-dən çox pilotsuz uçuş aparatı və 40-a yaxın müxtəlif tipli raketdən istifadə edildiyi bildirilib.
TodayPress TV xəbər verir ki, bu barədə Ukrayna Prezidenti Volodimir Zelenski özünün "Telegram" kanalında məlumat yayıb.
Onun sözlərinə görə, hücumların əsas hədəfi enerji şəbəkələri, generasiya obyektləri və paylayıcı yarımstansiyalar olub.
Mütəxəssislər Volın, İvano-Frankovsk, Lvov və Rovno vilayətlərində enerji infrastrukturuna ziyan dəydiyini qeydə alıblar. Eyni zamanda Kiyev və Xarkov vilayətlərinə də zərbələr endirilib. Zelenski bəzi bölgələrdə hava hücumundan müdafiə qüvvələrinin hələ də fəaliyyət göstərdiyini qeyd edib.
Qiymət Mahir
