Zelenski "Ağ qartal" ordenini Navrotskiyə göndərdi: Səbəbini açıqladı
Ukrayna Prezidenti Volodimir Zelenski daha əvvəl məhrum edildiyi "Ağ qartal" ordenini Polşa Prezidenti Karol Navrotskiyə göndərib.
TodayPress TV xəbər verir ki, bu barədə o, "Telegram"da yazıb.
O, həmçinin paylaşıma poçt şöbəsindən çəkilmiş fotoşəkilləri də əlavə edib.
"Biz hesab edirdik ki, 2023-cü ildə "Ağ qartal" ordeni məhz Ukrayna xalqına və ordumuza ünvanlanıb. O vaxt belə deyilirdi", - deyə Zelenski vurğulayıb.
Lider qeyd edib ki, Polşanın ali etimadının rəmzi əvvəllər II Yekaterina, Benito Mussolini və Gerhard Şröder də daxil olmaqla, tarixi şəxsiyyətlərdə qalıb.
Bununla yanaşı, Ukrayna Prezidenti vurğulayıb ki, Kiyev Rusiya ilə qarşıdurmada dəstək və əməkdaşlığa görə Polşa xalqına minnətdardır və Varşava ilə gələcək qarşılıqlı fəaliyyətə ümid edir.
Xatırladaq ki, əvvəllər Polşa Prezidenti Karol Navrotski tarixi mübahisə fonunda Zelenskini Polşanın ən ali ordenlərindən birindən məhrum etdikdən sonra Ukrayna Prezidenti Ofisinin rəhbəri Kirill Budanov Polşa dövlət mükafatından imtina etdiyini bildirib.
