Yaponiyadakı aviabazada partlayış baş verdi
Yaponiyanın Okinava adasındakı ABŞ-yə məxsus Kadena aviabazasında partlayış olub.
TodayPress TV xəbər verir ki, bu barədə "Kyodo" xəbər agentliyi məlumat yayıb.
Hadisə, Yaponiyanın Özünümüdafiə Qüvvələri tərəfindən köhnə partlamamış sursatların zərərsizləşdirilməsi zamanı baş verib.
Məlumata görə, dörd yapon əsgəri yüngül xəsarətlər alıb. Onların vəziyyəti sabitdir və heç birində həyati təhlükə yoxdur.
Yerli hakimiyyət bildirib ki, əhali üçün təxliyə göstərişi verilməyib. Hadisə ilə bağlı araşdırma aparılır.
Türkan İsgəndərli
