Yaponiyada güclü qar yağışı nəticəsində ölənlərin sayı artdı
Yaponiyanın şimalında və Yapon dənizi sahillərində yağan güclü qar nəticəsində ölənlərin sayı 42-yə yüksəlib.
TodayPress TV xəbər verir ki, bu barədə Yaponiya Yanğından Mühafizə Xidmətinin rəsmi saytında yayımlanan statistika məlumatında bildirilib.
Yerli hakimiyyət orqanlarının məlumatına görə, qış mövsümünün əvvəlindən bəri ölkədə qarla əlaqədar ölənlərin ümumi sayı 65 nəfərə çatıb. Ölənlər arasında qar təmizləyərkən damdan yıxılanlar, eləcə də yol və cığırların təmizlənməsi zamanı səhhəti pisləşən şəxslər var.
Qar yağışı nəticəsində ümumilikdə 444 nəfər xəsarət alıb, onlardan 156-nın vəziyyəti ağırdır. Əhaliyə yardım məqsədilə bəzi bölgələrə ordu bölmələri göndərilib.
Türkan İsgəndərli
