Rusiya Ukraynanın müdafiə sənayesinə genişmiqyaslı hava zərbələri endirdi

Rusiya Müdafiə Nazirliyi iyunun 7-nə keçən gecə Ukraynanın müdafiə sənayesinə məxsus obyektlərə yüksək dəqiqlikli uzaqmənzilli silahlarla və pilotsuz uçuş aparatları ilə qruplaşdırılmış zərbələr endirildiyini açıqlayıb.

TodayPress TV xəbər verir ki, bu barədə "TASS" məlumat yayıb.

Nazirlikdən bildirilib ki, zərbələr əsasən döyüş PUA-larının yığma sexlərinə, hərbi texnikanın təmir və texniki xidmət məntəqələrinə, həmçinin Ukrayna Silahlı Qüvvələrinə məxsus sursat anbarlarına tuş gəlib.

“Zərbələrin məqsədi tam şəkildə yerinə yetirilib. Bütün hədəf obyektləri məhv edilib”, - deyə əlavə edilib.

Töhfə Səməd