Rusiya paytaxtında dron xaosu: Strateji neft obyekti alovlar içində qaldı - VİDEO
Ukrayna ordusu Moskva vilayətinə dron zərbəsi endirib, xəsarət alanlar var.
TodayPress TV xəbər verir ki, bu barədə vilayət qubernatoru Andrey Vorobyov məlumat verib.
Onun sözlərinə görə, Ukrayna ordusunun Moskva vilayətindəki Elektrostal və Noqinsk şəhərlərinə hücumları nəticəsində 26 nəfər xəsarət alıb.
Qubernator Noqinskdəki neft anbarında və Elektrostaldakı “Wildberries” anbarında yanğınların baş verdiyini təsdiqləyib.
Onun sözlərinə görə, hər iki obyektə Ukrayna dronları düşüb və nəticədə yanğın başlayıb.
“Təhlükəsizlik məqsədilə hadisə yerinin yaxınlığında yerləşən doğum evi təxliyə edilib. Bütün xəstələr və işçilər dərhal digər tibb müəssisələrinə köçürülüb”, - Andrey Vorobyov qeyd edib.
O, Noqinskdə 2 nəfərin, Elektrostalda isə daha 24 nəfərin yaralandığını vurğulayıb.
Qubernator əlavə edib ki, Moskva vilayətində bir gecədə 48 Ukrayna dronu vurulub.
FOTOLAR
