Qəzzada itkilərin ümumi sayı açıqlandı
Qəzza zolağında itkilərin sayı artmaqda davam edir.
TodayPress TV xarici KİV-ə istinadən xəbər verir ki, Fələstin Səhiyyə Nazirliyinin məlumatına görə, 2023-cü il oktyabrın 7-dən bəri Qəzza zolağında baş verən hərbi əməliyyatlar nəticəsində 67 min 869 nəfər həlak olub, 170 min 105 nəfər isə yaralanıb.
Qurumun açıqlamasında bildirilir ki, son 24 saat ərzində 63 nəfərin meyiti və 39 yaralı xəstəxanalara gətirilib. Dağıntıların altından çıxarılan 60 nəfərin cəsədinin əvvəlki hücumlara aid olduğu qeyd olunub.
Atəşkəsdən sonra aparılan axtarış-xilasetmə işləri nəticəsində ümumi itkilərin sayının artdığı vurğulanır.
Jalə Rövşən
