Polşa vətəndaşlarını Rusiyanı tərk etməyə çağırdı

Polşa Xarici İşlər Nazirliyi Rusiyada yaşayan vətəndaşlarına ölkəni tərk etməyi məsləhət görüb.

TodayPress TV xəbər verir ki, bu barədə məlumat nazirliyin rəsmi saytında dərc olunub.

Polşa XİN Rusiyada diplomatik və konsulluq işçilərinin sayının azalması səbəbilə vətəndaşlara yardım imkanlarının getdikcə məhdudlaşdığını vurğulayıb. Nazirlik həmçinin xəbərdarlıq edib ki, Odisey sistemində səfərin qeydiyyata alınmaması böhran vəziyyətlərində konsulluğun yardım göstərməsini çətinləşdirə bilər.

Bəyanatda, həmçinin, Rusiya vətəndaşlığına malik Polşa vətəndaşlarının Rusiya qanunvericiliyinə uyğun şəkildə qiymətləndirildiyi qeyd olunub.

Türkan İsgəndərli