Polşa vətəndaşlarını Belarusdan təcili çıxmağa çağırır
Polşa hökuməti vətəndaşlarına Belarusu “təcili” tərk etməyi tövsiyə edib, çünki NATO üzvü olan ölkə ilə Belarus arasında gərginlik getdikcə artır.
TodayPress TV xəbər verir ki, bu barədə “TVP World” məlumat yayıb.
Polşa Xarici İşlər Nazirliyi yaydığı bəyanatda bildirib ki, artan gərginlik, hərbi fəaliyyətlər və Polşa vətəndaşlarının dəfələrlə əsassız həbs olunması səbəbilə Belarus ərazisinə səfər tövsiyə olunmur. Təhlükəsizlik vəziyyətinin qəfil pisləşməsi, sərhədlərin bağlanması və ya digər gözlənilməz hallar zamanı təxliyə prosesi xeyli çətinləşə və ya mümkünsüz ola bilər”.
Nazirlik əlavə edib ki, hazırda Belarus Respublikasında olan Polşa vətəndaşları mövcud kommersiya və ya özəl imkanlardan istifadə edərək ərazini dərhal tərk etməlidirlər.
Aysel Mətləb
