Pəhləvi Münhen Təhlükəsizlik Konfransında çıxış edəcək
İranın sonuncu şahı Məhəmmədrza Pəhləvinin oğlu Rza Pəhləvi Münhen Təhlükəsizlik Konfransına dəvət alıb.
TodayPress TV xəbər verir ki, bu barədə “Bild” nəşri məlumat yayıb.
“Münhen Təhlükəsizlik Konfransı şahzadə Rza Pəhləvini qonaq kimi dəvət edib. Məlumata görə, şahzadənin spiker kimi çıxış etməsi gözlənilir. Gələcək həftəsonu qlobal ictimai diqqət tamamilə Münhenə yönələcək”, – deyə bildirilib.
Qeyd edək ki, bir müddət öncə dünyanın aparıcı təhlükəsizlik forumlarından biri olan Münhen Təhlükəsizlik Konfransı İranın xarici işlər naziri Abbas Əraqçiyə göndərilmiş dəvətin geri götürüldüyünü açıqlamışdı.
