Paşinyan Konstitusiyaya dəyişikliklə bağlı referendumun vaxtını açıqladı
"Ermənistanın yeni Konstitusiyası gələn ilin iyun ayında keçiriləcək parlament seçkisindən sonra qəbul edilməlidir".
TodayPress TV xəbər verir ki, bunu Ermənistanın baş naziri Nikol Paşinyan deyib.
O bildirib ki, 2026-cı il parlament seçkisindən sonra yeni Konstitusiyanın qəbul edilməsi ilə bağlı referendum keçirilməsi vacibdir. Bu, siyasi qüvvələrin məsələ ilə bağlı mövqeyini ictimaiyyətə çatdıra bilməsi və artıq səs çoxluğu qazanmış qüvvənin mövqeyinin yeni Konstitusiyanın hazırlanmasında həlledici olması üçün lazımdır.
