Pakistanda partlayış baş verdi, ölən və yaralananlar var
Pakistanda mitinq təşkil olunan ərazinin yaxınlığında partlayış baş verib.
TodayPress TV xəbər verir ki, bu barədə yerli media məlumat yayıb.
Rəsmilər partlayışın Bəlucistan əyalətinin paytaxtı Kvettadakı Şahvani stadionu qarşısında mitinq bitdikdən az sonra baş verdiyini bildiriblər.
"Dawn" nəşrinə danışan xəstəxana sözçüsü Vasim Baiq partlayış nəticəsində 4 nəfərin öldüyünü, 17 nəfərin yaralandığını bildirib.
Partlayışın səbəbi ilə bağlı hələlik rəsmi açıqlama verilməyib.
Qeyd edək ki, sözügedən mitinq keçmiş baş nazir Sərdar Axtar Menqalın rəhbərlik etdiyi Bəlucistan Milli Partiyası tərəfindən təşkil edilib.
