Pakistan və Türkiyənin XİN başçıları Yaxın Şərqdəki gərginliyi müzakirə etdilər
Türkiyə xarici işlər naziri Hakan Fidan ilə Pakistan Baş nazirinin müavini, xarici işlər naziri Məhəmməd İshaq Dar arasında telefon danışığı olub.
TodayPress TV xəbər verir ki, bu barədə məlumat Pakistan Xarici İşlər Nazirliyinin (XİN) "X" sosial şəbəkəsində paylaşılıb.
Qeyd olunub ki, tərəflər Yaxın Şərq regionundakı son hadisələri müzakirə ediblər. Həmçinin sülh, sabitliyin təşviqi üzrə dialoqun və davamlı diplomatik səylərin vacibliyi vurğulanıb. Nazirlər bu xüsusda sıx təmasda qalmaq barədə razılığa gəliblər.
