Orban: "Ukraynaya edilən yardımı problemi daha da ciddiləşdirir"

Qərbin Ukraynaya maliyyə dəstəyi mənasızdır və problemləri daha da artırır.

TodayPress TV xəbər verir ki, bunu Macarıstanın Baş naziri Viktor Orban TASS-a açıqlamasında bildirib.

Onun fikrincə, Kiyev növbəti 10 il ərzində ölkənin yenidən qurulması üçün müttəfiqlərindən təxminən 800 milyard dollar istəyib, lakin əlavə təhlükəsizlik xərclərini nəzərə almayıb.

Orban əlavə edib ki, Ukrayna tərəfinin sorğularına cavab olaraq, Aİ rəhbərliyi Kiyevi daha da dəstəkləmək üçün Budapeşti hərbi iqtisadiyyata keçid planları barədə məlumatlandırıb.

Macarıstanın Baş naziri bildirib ki, Ukraynaya pul göndərmək onu dibsiz bir çuxura atmaq kimi bir şeydir:

"Bu pullar korrupsiyanın yeminə çevriləcək. Brüssel həqiqəti qəbul etməlidir. Kiyev Aİ-ni zəiflədir".