Netanyahu: "İsrail və HƏMAS razılığa yaxınlaşır"

Fələstinin HƏMAS hərəkatı ilə İsrail arasında Qəzza zolağında atəşkəs və israilli girovların azad edilməsi ilə bağlı razılaşma əldə olunması yaxınlaşır.

TodayPress TV xəbər verir ki, bu barədə İsrailin Baş naziri Benyamin Netanyahu bildirib.

“Məncə, biz razılığa yaxınlaşırıq. Düşünürəm ki, bunu əldə etmək üçün yaxşı şansımız var”, – deyə Netanyahu qeyd edib.

İyulun 6-da HƏMAS və İsrail arasında Qətər, Misir və ABŞ-nin vasitəçiliyi ilə Dohada danışıqlar bərpa olunub. Tərəflər Qəzzada atəşkəs və girovların azad edilməsinə dair razılaşma əldə etməyə çalışırlar.

Əl-Ərəbiyyə telekanalının məlumatına görə, danışıqlar müsbət atmosferdə keçir, lakin hələlik konkret irəliləyiş yoxdur. 

Türkan İsgəndərli