Netanyahu: "İranla müharibə bitmiş sayılmır"
İsrail Baş naziri Benyamin Netanyahu yüksək səviyyədə zənginləşdirilmiş uran İran ərazisindən çıxarılmayana qədər İranla müharibənin bitmiş sayılmadığını bildirib.
TodayPress TV xəbər verir ki, Benyamin Netanyahu bunu “CBS News”-a müsahibəsində deyib.
İranın uran zənginləşdirmə obyektləri sökülməli və yüksək zənginləşdirilmiş uran ölkədən çıxarılmalıdır: “Biz artıq İranın nüvə imkanları, eləcə də digər ölkələrdəki proksi qüvvələr və raket istehsalı potensialınının böyük hissəsini zəiflətmişik. Amma bütün bunlar hələ də mövcuddur və görüləcək işlər qalır”.
İsrail Baş naziri İranın nüvə materialları ilə bağlı razılaşma əldə olunmayacağı halda nə baş verəcəyini açıqlamaqdan imtina edib: “Mən bununla bağlı vaxt cədvəli verməyəcəyəm, amma deyəcəyəm ki, bu, son dərəcə mühüm missiyadır”.
