MDB rəsmisi: "Həm Azərbaycan, həm də Ermənistan Birliyin işində maraqlıdır"
"Həm Azərbaycan, həm də Ermənistan tərəfinin MDB çərçivəsində əməkdaşlıqda maraqlı olduğunu müşahidə edirik".
TodayPress TV xəbər verir ki, bunu MDB-nin nizamnamə və digər orqanlarında Rusiya Federasiyasının daimi nümayəndəsi Andrey Qrozov "TASS"a verdiyi müsahibəsində deyib.
Ermənistan və Azərbaycan arasında MDB çərçivəsində mümkün qarşılıqlı əlaqəyə dair sualı cavablandıran rusiyalı diplomat bildirib ki, Birlik platformasında bütün məsələlər iştirakçı dövlətlər tərəfindən “yaxşı qonşuluq və qarşılıqlı hörmət mühiti”ndə həll olunmağa çalışılır.
“Rusiya olaraq tərəfdaşlarımızı daim konstruktiv əməkdaşlığa təşviq edirik. Dövlətlər hansı orqanlarda iştirak edəcəkləri barədə qərarları öz maraqlarına uyğun şəkildə qəbul edirlər. Bu, onların suveren hüququdur”, - deyə Qrozov Azərbaycanın MDB İqtisadi Şurasının iclasında təmsil olunmamasına münasibət bildirərkən əlavə edib.
Töhfə Səməd
