Mask sərvəti 500 milyard dollara çatan ilk şəxs oldu
Amerikalı milyarder və sahibkar İlon Mask tarixdə 500 milyard dollar sərvəti olan ilk insan olub.
TodayPress TV xəbər verir ki, bu barədə Britaniyanın "Metro" məlumat yayıb.
Məlumata görə, Maskın sərvəti qısamüddətli olaraq 500 milyard dolları keçib, daha sonra 499,1 milyard dollara enib. Artım "Tesla" səhmlərinin ticarət sessiyasından sonra təxminən 14% bahalaşması nəticəsində baş verib.
O, həmçinin "SpaceX" və "xAI" şirkətlərində böyük paylara malikdir ki, bu da onun illik gəlirini əhəmiyyətli dərəcədə artırır.
Xatırladaq ki, sentyabrda "Forbes" jurnalı Maskı ardıcıl dördüncü il dünyanın ən varlı adamı adlandırıb. O zaman sahibkarın sərvəti 400 milyard dollardan çox idi.
Türkan İsgəndərli
