Latviya Ottava konvensiyasından çıxdı
Latviya dekabrın 27-dən etibarən rəsmi olaraq piyadalar əleyhinə minalar haqqında konvensiyadan (Ottava konvensiyası) çıxıb.
TodayPress TV xəbər verir ki, bu barədə ölkənin Xarici İşlər Nazirliyinin (XİN) mətbuat katibi Diana Eqlite bildirib.
"27 dekabrda Latviyanın piyadalar əleyhinə minaların istifadəsini, saxlanmasını və istehsalını qadağan edən Ottava konvensiyasından çıxması barədə qərarı qüvvəyə minib", - o qeyd edib.
Latviya XİN-in sözçüsü xatırladıb ki, ölkəsinin Ottava konvensiyasından çıxması barədə sənəd iyunun 27-də BMT-nin baş katibinə təqdim edilib. Konvensiyaya əsasən, çıxış yuxarıda qeyd olunan sənədin təqdim edilməsindən altı ay sonra qüvvəyə minir.
