Kreml Ukrayna ilə danışıqların vaxtını təsdiqləmədi
"Ukrayna üzrə növbəti danışıqların gələn həftə baş tutacağı barədə yayılan məlumatı hələlik təsdiqləyə bilmirik".
TodayPress TV "TASS"a istinadən xəbər verir ki, bunu Rusiya prezidentinin mətbuat katibi Dmitri Peskov deyib.
Kremlin sözçüsü qeyd edib ki, son vaxtlar olduğu kimi, konkret razılaşma əldə edildikdən sonra ictimaiyyətə məlumat veriləcək.
Agentliyin mənbəsi isə Rusiya, Ukrayna və ABŞ arasında danışıqların dördüncü raundunun 1 mart tarixinədək Cenevrədə keçiriləcəyini bildirib.
Rusiya nümayəndə heyətinin rəhbəri Vladimir Medinski tərəflərin növbəti görüşün “yaxın vaxtlarda” keçirilməsi barədə razılığa gəldiyini desə də, dəqiq tarix açıqlamayıb.
Jalə Rövşən
