Kolumbiyada fövqəladə vəziyyət elan edildi
Kolumbiya hökuməti Konqresin maliyyələşdirmə qanununu rədd etməsindən sonra ölkədə iqtisadi fövqəladə vəziyyət elan edib.
TodayPress TV xəbər verir ki, fərmana əsasən, bu vəziyyət fərmanın qüvvəyə mindiyi tarixdən 30 gün müddətinə tətbiq olunacaq.
Prezident Qustavo Petro hökuməti əlavə 2,5-3 milyard dollar toplamaq məqsədilə vergi islahatı təklif edib, lakin Senat islahatı dekabrın əvvəlində rədd etdi.
Kolumbiyada “Emergencia económica” adlanan iqtisadi fövqəladə vəziyyət mexanizmi prezidentə parlamentin təsdiqi olmadan 30 günə qədər fərmanlar verməyə imkan verir və illik 90 günə qədər uzadıla bilər. Bu mexanizm əvvəllər dəfələrlə, sonuncu dəfə isə koronavirus pandemiyası zamanı istifadə olunub.
Türkan İsgəndərli
