Kallas: “Avropa artıq Vaşinqtonun əsas ağırlıq mərkəzi deyil”
Avropa İttifaqının (Aİ) xarici siyasət üzrə ali nümayəndəsi Kaya Kallas Avropanın artıq Vaşinqtonun əsas ağırlıq mərkəzi olmadığını və bu dəyişikliyin müvəqqəti deyil, struktur xarakterli olduğunu bildirib.
TodayPress TV xəbər verir ki, bu barədə “Reuters” agentliyi məlumat yayıb.
O qeyd edib ki, Aİ hələ də güclü transatlantik əlaqələr üçün səy göstərsə və ABŞ müttəfiq olaraq qalsa da, Avropa yeni reallıqlara uyğunlaşmalıdır.
Kallasın sözlərinə görə, NATO gücünü qorumaq üçün “daha avropalı” olmalıdır.
"Tam miqyaslı repressiv güc siyasətinə, təsir dairələrinin bölünməsinə və gücün haqqı haqlı çıxardığı bir dünyaya qayıtmaq riski çox realdır", - deyə diplomat vurğulayıb.
Aysel Mətləb
