İsveçrənin yeni prezidenti məlum oldu
İsveçrənin iqtisadiyyat naziri Qi Parmelen bu gün Federal Məclisin hər iki palatasında keçirilən səsvermədə 2026-cı il üçün ölkənin prezidenti seçilib.
TodayPress TV xəbər verir ki, o, 210 səsdən 203-nü toplayıb.
Nazir kimi o, ABŞ-nin İsveçrəyə tətbiq etdiyi yüksək ticarət tariflərini müzakirə etmək üçün bir neçə dəfə Vaşinqtona getməli olub. Təsadüfi deyil ki, səsvermədən sonra o, vəzifəsinin icrasına çətin vaxtlarda, "qeyri-sabit və gözlənilməz şəraitdə" gəldiyini qeyd edib.
Avqust ayında ölkə ABŞ ilə razılığa gələ bilməyəndə İsveçrə idxalına 39% rüsum tətbiq edilib.
Noyabr ayında ABŞ-yə 200 milyard dollar sərmayə yatırmaq öhdəliyi ilə tariflərin 15%-ə endirilməsi ilə bağlı razılaşma əldə olundu.
