İsrail Qəzzada müharibəni bərpa edə bilər
İsrail HƏMAS-a silahsızlaşması üçün 60 gün müddət verdi, əks halda Qəzzada hərbi əməliyyatlar yenidən başlaya bilər.
TodayPress TV xəbər verir ki, bu barədə İsrail Nazirlər Kabinetinin katibi Yossi Fuks məlumat verib.
Fuks bildirib ki, 60 günlük müddət ABŞ Prezidenti Donald Tramp administrasiyasının xahişi ilə müəyyən edilib və İsrail bu müddətə hörmət edir. Onun sözlərinə görə, vaxtın hesablanması fevralın 19-da keçiriləcək Sülh Şurası konfransının başlanğıcından etibarən başlaya bilər.
Fuks qeyd edib ki, bu müddət ərzində HƏMAS bütün silahlarından imtina etməlidir, əks halda İsrail ordusu Qəzza zolağında əməliyyatları bərpa edə bilər.
Aysel Mətləb
