İrandan ÇAĞIRIŞ: Hörmüzdən keçid yalnız Tehranla razılaşdırılmalıdır!
İran Silahlı Qüvvələri Hörmüz boğazından keçidlə bağlı beynəlxalq gəmiçiliyə çağırış edib.
TodayPress TV xəbər verir ki, İran ordusunun “Xatəm əl-Ənbiya” mərkəzi qərargahının komandanı Əli Abdullahi bildirib ki, boğazdan keçid yalnız Tehranla koordinasiya olunmalıdır.
Onun sözlərinə görə, İran qüvvələri Hörmüz boğazında təhlükəsizliyi tam təmin edir və vəziyyətə nəzarət edir. Abdullahi bütün ticarət gəmilərini və neft tankerilərini silahlı qüvvələrlə razılaşdırılmadan hərəkət etməməyə çağırıb.
Komandan xəbərdarlıq edib ki, istənilən xarici hərbi qüvvə, xüsusilə ABŞ ordusu Hörmüz boğazına yaxınlaşmağa və ya daxil olmağa cəhd edərsə, zərbələrə məruz qala bilər.
