İran zənginləşdirilmiş uranın ölkədən çıxarılmasını rədd etdi

ABŞ-nin İranla danışıqlarda zənginləşdirilmiş uranın ölkədən çıxarılmasını tələb etdiyi bildirilir.

TodayPress TV "Tasnim"ə istinadən xəbər verir ki, bu barədə İran mənbələri məlumat yayıb.

Məlumata görə, Vaşinqton danışıqlar zamanı Hörmüz boğazı və nüvə materiallarının çıxarılması ilə bağlı güzəştlər əldə etməyə çalışıb.

Bildirilib ki, İran nümayəndə heyəti bu tələblərin qarşısını alıb:

“Amerikalılar danışıqlar masasında güzəştlər əldə etməyə çalışırdı, lakin İran tərəfi buna mane oldu”.

Məlumata görə, İran nümayəndələri ümumi razılaşmaya nail olmağa çalışsa da, ABŞ-nin irəli sürdüyü sərt tələblər nəticəsində prosesdə irəliləyiş əldə olunmayıb.

Qiymət Mahir