İran yalnız bu şərtlərlə razılaşa bilər - AÇIQLANDI

İran Hörmüz boğazı ilə bağlı danışıqların bərpasını, bunun ardınca isə sanksiyaların mərhələli şəkildə ləğvini və nüvə proqramı ətrafındakı məsələlərin həllini tələb edir.

TodayPress TV  xəbər verir ki, məlumata görə, Tehran Pakistana danışıqlardan imtina etmədiyini, yalnız müvəqqəti dayandırdığını bildirib. İran tərəfi danışıqların dayandırıldığı mərhələdən davam etdirilməsinin vacibliyini vurğulayıb.

Bununla yanaşı, İran Hörmüz boğazında yeni gəmiçilik marşrutunun yaradılmasına qarşı olduğunu açıqlayıb. Rəsmi Tehran Cenevrə, Doha və ya İslamabadda danışıqları davam etdirməyə hazır olduğunu bildirərək, tərəflər arasında imzalanmış anlaşma memorandumuna uyğun şəkildə prosesin davam etdirilməsinin zəruriliyini qeyd edib.