İran nüvə danışıqlarını bərpa etməyə razılaşdı

İran Fransa, Almaniya və Böyük Britaniya ilə nüvə proqramı üzrə danışıqları bərpa etməyə razılaşıb.

TodayPress TV xəbər verir ki, bu barədə “Tasnim” agentliyi məlumat yayıb.

Agentlik bildirir ki, danışıqların prinsipi razılaşdırılsa da, vaxt və yer barədə məsləhətləşmələr davam edir. Məlumata görə, danışıqların keçiriləcəyi ölkə də hələ müəyyən edilməyib.

Bundan əvvəl "Axios" portalı yazıb ki, ABŞ, Böyük Britaniya, Fransa və Almaniya İranla nüvə sazişi üzrə 2025-ci ilin avqust ayının sonunadək razılıq əldə olunmasını hədəfləyir. Əgər bu mümkün olmazsa, Avropa ölkələri BMT Təhlükəsizlik Şurasının “snapback” mexanizmi çərçivəsində sanksiyaları bərpa etməyi planlaşdırır.

Türkan İsgəndərli