İran Epşteyn işini sivilizasiyaya təhdid kimi qiymətləndirir
İran Xarici İşlər Nazirliyinin rəsmi nümayəndəsi İsmayıl Bəqai brifinq zamanı amerikalı maliyyəçi Ceffri Epşteynlə bağlı işi sivilizasiya miqyasında fəlakət adlandırıb.
TodayPress TV xəbər verir ki, bu barədə “SNN” telekanalı məlumat yayıb.
Bəqai bildirib ki, Epşteyn işi eyni zamanda insanlığa qarşı cinayət kimi də qiymətləndirilə bilər. Onun sözlərinə görə, bu qalmaqalın miqyasını kiçiltmək və ya problemin yalnız ABŞ-yə, yaxud bir nəfərə aid olduğunu iddia etmək doğru deyil.
İran XİN rəsmisi vurğulayıb ki, eyni zamanda bu prosesin bəzi tərəflərin siyasi məqsədlərini irəli aparmaq üçün hazırlanmış uzunmüddətli layihənin bir hissəsi ola biləcəyi ilə bağlı şübhələr də güclənir.
Aysel Mətləb
