İqlim dəyişikliyi ilə mübarizədə okeanda nüvə partladılacaq

ABŞ-dən olan 25 yaşlı "Microsoft" proqram mühəndisi Endi Haverli iqlim dəyişikliyi ilə mübarizə məqsədilə okean dibində nüvə bombası partlatmağı təklif edib. 

TodayPress TV xəbər verir ki, o, bu barədə elmi məqaləsində fikirlərini açıqlayıb.

Haverli hesab edir ki, nüvə partlayışı nəticəsində karbonu uda bilən süxurlar okean dibindən səthə çıxarılacaq və bu da atmosferdəki karbon qazını azaltmağa kömək edəcək. Onun sözlərinə görə, bu üsul mineral aşınmasını sürətləndirərək karbonun təbii şəkildə udulmasını artıracaq.

Tədqiqatçı bildirir ki, hər il atmosferə təxminən 36 giqaton karbon buraxılır və 81 giqaton gücündə nüvə partlayışı bu emissiyaları 30 il ərzində kompensasiya edə bilər.

Haverli öz ideyasını gücləndirilmiş hava şəraiti və yeraltı nüvə partlayışları kimi əvvəlki konsepsiyaların birləşməsi kimi təqdim edib. O, bu fikrin “Oppenheimer” filmini izlədikdən sonra yarandığını da bildirib.

Tədqiqatçı partlayışın yerləşəcəyi ərazinin radiasiya, dağıntı və enerji yayılması baxımından ciddi şəkildə planlaşdırılmalı olduğunu vurğulayıb. Haverli etiraf edir ki, bu yanaşma etik və texniki çətinliklərlə qarşılaşa bilər, lakin ənənəvi metodların kifayət etmədiyi halda kəskin tədbirlərin nəzərdən keçirilməsi lazım ola bilər.

Türkan İsgəndərli