İndoneziyada vulkan püskürdü

İndoneziyanın Flores adasında yerləşən Levotobi vulkanı püskürüb. 

TodayPress TV xəbər verir ki, bu barədə ölkənin Vulkanologiya və Geoloji Fəlakətlərin Azaldılması Mərkəzi məlumat yayıb.

Verilən məlumata görə, Levotobi Laki-Laki kraterindən qalxan kül 6000 metr hündürlüyə, yəni dəniz səviyyəsindən 7584 metrə qədər çatıb. Kül əsasən qərb və şimal-qərb istiqamətlərində yayılır.

Vətəndaşlara sakit olmaq, rəsmi göstərişlərə əməl etmək və tənəffüs yollarını qorumaq üçün maska və respiratorlardan istifadə etmək tövsiyə olunub.

Qeyd edək ki, Levotobi vulkanı iki zirvədən ibarətdir və Flores adasının cənub-şərqində yerləşir.

Türkan İsgəndərli