"Hyundai" yüz minlərlə avtomobili geri çağırır
"Hyundai Motor Company" ABŞ-də təhlükəsizlik kəməri lövbərlərindəki mümkün qüsur səbəbindən təxminən 294 min avtomobili geri çağırır.
TodayPress TV xəbər verir ki, bu barədə Milli Yol Hərəkəti Təhlükəsizliyi Administrasiyası məlumat yayıb.
Geri çağırışa həm daxiliyanma mühərrikli, həm də hibrid versiyalı "Hyundai Ioniq 6", "Genesis G90" və "Hyundai Santa Fe" modelləri daxildir. Bildirilir ki, dilerlər bu hissələri yoxlayacaq və lazım gələrsə, dəyişdirəcək.
Eyni zamanda, "Lucid Motors" da montaj qüsuru səbəbindən 3630 ədəd elektrikli avtomobili geri çağırır. Qüsurun ox şaftının ötürücü sistemdən ayrılmasına və bunun nəticəsində qəza riskinin artmasına səbəb ola biləcəyi qeyd olunur.
Türkan İsgəndərli
