Hindistanda beyin yeyən amöba yayıldı
Hindistanın Kerala əyalətində "beyin yeyən amöba" kimi tanınan təkhüceyrəli ölümcül infeksiya epidemiyası qeydə alınıb.
TodayPress TV xəbər verir ki, bu barədə "NDTV" məlumat yayıb.
Hazırda 61 təsdiqlənmiş hadisə var, onlardan 19-u ölümlə nəticələnib. Ölənlər arasında üç aylıq körpə də yer alır.
"Naegleria fowleri" çirklənmiş şirin su ilə təmas vasitəsilə burun yoluyla insan bədəninə daxil olur və beyində sürətlə irəliləyən iltihaba səbəb ola bilər.
Məlumata görə, bu xəstəlik olduqca nadir xəstəlikdir. Belə ki, 1962-ci ildən bəri dünyada 500-dən az belə hadisə qeydə alınıb.
Səlahiyyətlilər sakinlərə durğun və təmizlənməmiş şirin su mənbələrində üzməkdən çəkinməyi tövsiyə edib.
Türkan İsgəndərli
