Hakan Fidan: “İsrail Türkiyəni düşmən kimi göstərməyə çalışır”
"İsrail hakimiyyəti və bəzi müxalifət nümayəndələri Ankaranı yeni düşmən kimi təqdim etməyə çalışır".
TodayPress TV xəbər verir ki, bunu Türkiyənin xarici işlər naziri Hakan Fidan deyib.
Onun sözlərinə görə, İsrail İrandan sonra düşmənsiz yaşaya bilmir və bu səbəbdən siyasi ritorika ilə Türkiyəni hədəfə alır.
Fidan həmçinin İsrailin Livandakı hərəkətlərini regional münaqişəyə səbəb ola biləcək ekspansionist siyasətin tərkib hissəsi kimi qiymətləndirib.
Nazir əlavə edib ki, Türkiyənin Qəzza, Livan və ümumilikdə regionla bağlı mövqeyi İsrailin siyasəti ilə ziddiyyət təşkil edir və bu da vəziyyəti daha da gərginləşdirir.
Türkan İsgəndərli
