Dünyanın diqqətini çəkən çəhrayı göl qorunacaq - Tokayevdən QƏRAR
Qazaxıstanda Akmola vilayətində yerləşən Kobeytuz gölünə xüsusi mühafizə olunan təbiət ərazisi statusu veriləcək.
TodayPress TV xəbər verir ki, bu barədə Qazaxıstan Prezidenti Kasım-Jomart Tokayev tapşırıq verib.
Bildirilib ki, bunun üçün “Buyratau” Milli Parkının sərhədləri genişləndiriləcək və Kobeytuz gölünün akvatoriyası da parkın tərkibinə daxil ediləcək.
Qeyd edək ki, Kobeytuz gölü qeyri-adi çəhrayı rəngi ilə tanınır və Qazaxıstanın məşhur təbii turizm məkanlarından biri hesab olunur.
