Çində dünyanın ən uzun sürətli yol tuneli açıldı
Dünyanın ən uzun avtomobil yolu tuneli Çinin şimal-qərbində rəsmi olaraq nəqliyyatın istifadəsinə verilib.
TodayPress TV xəbər verir ki, bu barədə "Sinxua" xəbər agentliyi məlumat yayıb.
"Dünyanın ən uzun sürətli yol tuneli olan 22,13 kilometr uzunluğundakı Tianşan Şengli Tuneli 26 dekabr rəsmi olaraq nəqliyyatın istifadəsinə verildi", - deyə açıqlamada bildirilib.
Tunel Çinin şimal-qərbindəki Sincan Uyğur Muxtar Rayonunun Tyanşan dağlarından keçir.
Agentliyin məlumatına görə, tunelin açılması Tyanşan dağlarının bu hissəsində səyahət müddətini bir neçə saatdan təxminən 20 dəqiqəyə qədər azaldıb.
Qeyd edək ki, tunelin tikintisinə 2020-ci ilin aprelində başlanılıb.
Aysel Mətləb
