Çində böyük torpaq sürüşməsi baş verdi, ölənlər var

Çində uzun müddət davam edən yağışlardan sonra böyük torpaq sürüşməsi baş verib. 

TodayPress TV xəbər verir ki, bu barədə “Sinxua” agentliyi məlumat yayıb. 

Palçıq sürüşmələri ölkənin cənub-qərbində, Yunnan əyalətinin Puer şəhərində qeydə alınıb. Nəticədə magistral yolda hərəkətdə olan avtomobil palçıq altında qalıb. Avtomobildə olan 5 sərnişinin heç biri xilas edilə bilməyib. Onların meyitləri üç saat yarımdan sonra dağıntılar altından çıxarılıb. 

Hadisə yerinə dərhal 80-dən çox xilasedici cəlb olunub. Axtarış-xilasetmə əməliyyatlarında yanğınsöndürənlər, polis və tibbi heyət də iştirak edib. Dağıntıların təmizlənməsi üçün əraziyə 5 ekskavator göndərilib. 

Aysel Mətləb