Çin: Venesuela nefti ABŞ-yə problem yaradacaq
ABŞ‑nin Venesuelanın neft ehtiyatlarına nəzarət etmək planları Vaşinqton üçün ciddi problemlər yarada bilər.
TodayPress TV xəbər verir ki, bu barədə Çinin “Sohu” nəşri məlumat yayıb.
Nəşr yazır ki, ölkənin neft ehtiyatlarının əsas hissəsi həddindən artıq ağır neftdir, bu da ekstraksiya üçün mürəkkəb texnologiya və böyük xərclər tələb edir. “Sohu”ya görə, Venesuelada neft yataqlarının işlənməsi üçün ABŞ‑nin ən azı 100 milyard dollar xərcləməli olacağı qeyd edilir.
Bu deyilənlər fonunda yanvarın 3‑də Venesuelada partlayışlar və gərginliklə bağlı xəbərlər yayılıb və bəzi iddialar sosial mediada ABŞ-nin hərəkətləri ilə bağlı müxtəlif versiyalar irəli sürüblər.
Türkan İsgəndərli
