Belarusla sərhəddə polşalı hərbçi yaralandı

Polşa ilə Belarus sərhədində qeyri-qanuni miqrantların fəaliyyətinin artması fonunda bir polşalı sərhədçi yüngül yaralanıb.

TodayPress TV xəbər verir ki, bu barədə Polşanın daxili işlər və administrasiya nazirinin müavini Maçey Duşçik bildirib.

Son 24 saat ərzində sərhədi keçmək üçün 115 cəhd qeydə alınıb ki, onların 98%-nin qarşısı alınıb. Nazir müavini bildirib ki, altı nəfər Əfqanıstan vətəndaşı çayı keçərək Polşa ərazisinə daxil olmağa çalışıb, lakin sərhədçilər onları dəf edib.

Duşçikin sözlərinə görə, insident zamanı sərhədçilərdən biri göz nahiyəsindən yüngül xəsarət alıb. Hadisəyə səbəb olan şəxs isə Belarusa geri qaytarılıb.

Türkan İsgəndərli