Tailand Myanma seçkilərinin sülhə töhfə verəcəyinə ümid edir
Tailand Myanmada keçirilən parlament seçkilərini ölkədə sülhə doğru mühüm addım kimi qiymətləndirir.
TodayPress TV xəbər verir ki, bu barədə Tailand Xarici İşlər Nazirliyinin İnformasiya Departamentinin Baş direktoru Nikhondet Phalangkun brifinq zamanı danışıb.
O qeyd edib ki, qonşu ölkə olaraq Tailand Myanmada sabitlik və uzunmüddətli sülh görmək istəyir və son seçkilərin, eləcə də qarşıdan gələn iki mərhələnin siyasi keçid istiqamətində vacib addımlar olacağına inanır.
Myanma Seçki Komissiyasının məlumatına görə, 28 dekabrda keçirilən parlament seçkilərinin birinci turunda seçicilərin 52 faizi səs verib, ikinci və üçüncü turlar isə müvafiq olaraq 11 və 25 yanvar tarixlərində keçiriləcək.
Bildirilib ki, 1 fevral 2021-ci il hərbi çevrilişindən sonra davam edən vətəndaş münaqişəsi səbəbindən seçkilər ölkənin 330 dairəsindən yalnız 265-də təşkil olunub və səsvermə mərhələli şəkildə aparılıb.
Aysel Mətləb
