Belarus ordusunda genişmiqyaslı hərbi yoxlamaya başlayır
Belarus Təhlükəsizlik Şurasının dövlət katibi Aleksandr Volfoviç bildirib ki, Belarus silahlı qüvvələrində hərtərəfli yoxlama başlayıb.
TodayPress TV xəbər verir ki, bu barədə "Xinhua" agentliyi məlumat yayıb.
Volfoviç bildirib ki, Belarus Prezidenti Aleksandr Lukaşenkonun əmri ilə keçirilən yoxlamalar bir neçə mərhələdən ibarət olacaq.
Qeyd olunur ki, yoxlama hərtərəflidir və bölmənin təhlükəsizliyinin qiymətləndirilməsi, dəqiq idarə olunan sursatlara qarşı əks tədbirlər və pilotsuz uçuş sistemlərinə qarşı müdafiə kimi istiqamətləri əhatə edir.
Lukaşenkonun yoxlamalarda şəxsən iştirakı gözlənilsə də, onun səfər edəcəyi tarix və məkanı açıqlanmayıb.
Aysel Mətləb
