Aİ Qrenlandiya üçün böyük investisiya paketi hazırlayır
Avropa İttifaqı (Aİ) tezliklə Qrenlandiya üçün əhəmiyyətli olan investisiya paketi təqdim edəcək.
TodayPress TV xəbər verir ki, bu barədə Avropa Komissiyasının Prezidenti Ursula Fon der Lyayen jurnalistlərə açıqlamasında məlumat verib.
O bildirib ki, investisiya Aİ-nin Qrenlandiya ilə münasibətlərini gücləndirməsinə kömək edəcək.
"Biz regiondakı tərəfdaşlarımızla, məsələn, Birləşmiş Krallıq, Kanada, Norveç, İslandiya və s. ilə təhlükəsizlik və müdafiə əlaqələrimizi gücləndirməliyik. Qrenlandiya üçün bu, əsl geosiyasi zərurətə çevrilib", - deyə Fon der Lyayen vurğulayıb.
Sədr qeyd edib ki, Aİ Qrenlandiya və ABŞ ilə əməkdaşlığı gücləndirmək niyyətindədir.
Aysel Mətləb
