Aİ ölkələri hazırda neft tədarükü üçün təhlükə görmür
Avropa İttifaqı (Aİ) ölkələri hazırda neft tədarükü üçün heç bir təhlükənin olmadığı qənaətinə gəliblər.
TodayPress TV xəbər verir ki, bu barədə Aİ-yə üzv dövlətlərin nümayəndələri Brüsseldə keçirilən Neft Koordinasiya Qrupunun iclasında qeyd ediblər.
"Aİ ölkələri qlobal neft qiymətlərindəki dalğalanmalara baxmayaraq, diversifikasiya səyləri sayəsində neft təchizatı təhlükəsizliyinin hazırda sabit qaldığını bildiriblər. Onlar, həmçinin vurğulayıblar ki, neft təchizatı təhlükəsizliyi münaqişənin müddətindən və şiddətlənməsindən asılı olacaq", - deyə Aİ-nin mətbuat açıqlamasında bildirilib.
Məlumata görə, Aİ-də neft ehtiyatları yüksək olaraq qalır.
Aysel Mətləb
