İndoneziyada torpaq sürüşməsi baş verdi: Ölənlər var
İndoneziyanın Qərbi Yava əyalətində baş verən torpaq sürüşməsi nəticəsində yeddi nəfər ölüb, 82 nəfər itkin düşüb.
TodayPress TV xəbər verir ki, bu barədə “Reuters” İndoneziyanın Fəlakətlərin Azaldılması Agentliyinə istinadən məlumat yayıb.
Bildirilib ki, hadisəyə ərazidə davam edən güclü yağışlar səbəb olub.
"İtkin düşənlərin sayı çoxdur, axtarış-xilasetmə əməliyyatlarımızı optimallaşdırmağa çalışırıq", - deyə agentliyin sözçüsü Əbdül Muxari açıqlayıb.
Xatırladaq ki, daha əvvəl İndoneziyanın meteorologiya agentliyi Qərbi Yava əyalətində bir həftə davam edəcəyi gözlənilən güclü yağışlar da daxil olmaqla, ekstremal hava şəraiti barədə xəbərdarlıq edib.
Aysel Mətləb
