ABŞ Venesuela ətrafında qüvvələrini cəmləşdirir
ABŞ Hərbi Hava Qüvvələrinin "F-35A" qırıcı təyyarələrindən ibarət eskadrilyası Venesuela yaxınlığındakı Puerto Rikodakı Ruzvelt bazasına gətirilib və orada artıq yerləşdirilən 10 ədəd "F-35B" qırıcı təyyarələrinə qoşulub.
TodayPress TV xəbər verir ki, bu barədə "The War Zone" məlumat yayıb.
Nəşrin məlumatına görə, bu qırıcıların gəlişi Venesuela Prezidenti Nikolas Maduroya istefa vermək üçün siyasi və hərbi təzyiqlərin bir hissəsidir.
Hazırda ABŞ-nin bölgədə "USS Gerald Ford" təyyarədaşıyan gəmisində 48 ədəd "F/A-18F Super Hornet" qırıcıları da var. Bundan əlavə, böyük amfibiya hücum gəmisi "USS Iwo Jima" 6 ədəd "AV-8B" qırıcısı daşıyır.
