ABŞ və İran arasında gərginlik artır
ABŞ-nin blokadanı pozmağa çalışan İran yük gəmisini ələ keçirdiyini açıqlamasından sonra İran ilə münasibətlər kəskinləşib və atəşkəsin taleyi sual altına düşüb.
TodayPress TV xəbər verir ki, Tehran yeni sülh danışıqlarına qoşulmaqdan imtina edərək mümkün addımlara cavab verəcəyini bildirib.
İranlı yüksək vəzifəli mənbə "Reuters" agentliyinə açıqlamasında qeyd edib ki, ABŞ-nin davam edən blokadası danışıqlar perspektivlərini zəiflədir və ölkənin raket proqramı da daxil olmaqla müdafiə imkanları müzakirə mövzusu deyil.
Digər tərəfdən, Pakistandan olan təhlükəsizlik mənbəsi bildirib ki, ölkənin əsas danışıqçısı Asim Munir məsələ ilə bağlı ABŞ Prezidenti Donald Trampla danışıb. O, blokadanın sülh prosesinə mane olduğunu vurğulayıb.
Məlumata görə, Tramp məsələni araşdıracağını bildirib, lakin regionda gərginlik hələ də yüksək olaraq qalır.
Türkan İsgəndərli
