İran və ABŞ arasında mümkün razılaşmanın ilkin şərtlərini əks etdirən layihə ortaya çıxıb.
TodayPress TV xəbər verir ki, bu barədə İsrailin "Kanal 12" telekanalının jurnalisti Amit Segal məlumat yayıb.
Layihəyə əsasən:
1.İran 15 il müddətinə uranın zənginləşdirilməsini dayandırmağa razılıq verir. Bununla yanaşı, tibbi izotopların istehsalı üçün istifadə olunan tədqiqat reaktorları istisna təşkil edəcək.
2.İranın hazırda mövcud olan 60% və 20% zənginləşdirilmiş uran ehtiyatının bir hissəsi reaktor yanacağına çevriləcək, digər hissəsi isə daha aşağı zənginləşdirmə səviyyəsinə “seyreltiləcək”. Bu materiallar ölkə xaricinə çıxarılmayacaq.
3.İranın nüvə obyektləri üzərində International Atomic Energy Agency (IAEA) tərəfindən tam nəzarət təmin ediləcək.
4.Hörmüz boğazının açılması nəzərdə tutulur və burada keçid üçün rüsum tətbiqi ehtimalı müzakirə olunur. ABŞ İran qarşısında mərhələli şəkildə sanksiyaların yumşaldılmasını təklif edəcək.
5.ABŞ xaricdə dondurulmuş İran aktivlərini – ümumilikdə 20 milyard dollar və ya daha çox vəsaiti – azad edəcək.
6.ABŞ İranla qarşılıqlı hücum etməmək barədə razılaşma bağlamağı öhdəsinə götürəcək. Bu razılaşmanın United Nations Security Council qətnaməsi və ABŞ Konqresi tərəfindən ratifikasiya ediləcək müqavilə ilə təmin olunması nəzərdə tutulur.
7.ABŞ öz hərbi qüvvələrini Fars körfəzindən çıxaracaq.
Qeyd olunur ki, bu sənəd hələ ilkin layihə xarakteri daşıyır və tərəflər arasında yekun razılaşma əldə olunmayıb.
Jalə Rövşən
TodayPress TV
