ABŞ–İran danışıqlarında 190 jurnalist iştirak edəcək

İslamabadda keçiriləcək ABŞ–İran danışıqlarını işıqlandırmaq üçün təxminən 190 xarici jurnalist akkreditasiya olunub.

TodayPress TV  "TASS"a istinadən xəbər verir ki,  bu barədə Pakistan İnformasiya və Yayım Nazirliyindən məlumat verilib.

Departament rəsmisinin sözlərinə görə, 180–190 xarici media nümayəndəsi tədbirləri işıqlandırmaq üçün akkreditasiya alıb. Jurnalistlərin tədbiri Məhəmməd Əli Cinnah Konqres Mərkəzindən izləməsi nəzərdə tutulur.

Hökumət binası kompleksinin yerləşdiyi “Qırmızı Zona”ya giriş məhdudlaşdırılıb. Buna görə də yerli hakimiyyət jurnalistlərin konfrans mərkəzinə daşınması üçün xüsusi avtobuslar ayırıb.

Jalə Rövşən 

TodayPress TV