ABŞ-dən Rusiyaya viza zərbəsi: Alimovun Nyu-Yorka gəlişinə icazə verilmədi
Rusiyanın BMT-dəki daimi nümayəndəsi Vasili Nebenzya ABŞ-nin BMT Təhlükəsizlik Şurasının iclasında iştirak etmək üçün Nyu-Yorka gəlmək istəyən Rusiya xarici işlər nazirinin müavini Aleksandr Alimova viza vermədiyini açıqlayıb.
TodayPress TV xəbər verir ki, bu barədə Nebenzya "BMT Nizamnaməsinin məqsəd və prinsiplərinin müdafiəsi və BMT mərkəzli beynəlxalq sistemin gücləndirilməsi" mövzusuna həsr olunmuş BMT TŞ-nin iclasında çıxış edib.
Bu ay BMT TŞ-yə sədrlik edən Çin Xarici İşlər Nazirliyi tərəfindən iclasa dəvət olunan Rusiya xarici işlər nazirinin müavini Alimovun viza müraciətinin ABŞ tərəfindən rədd edildiyini bildirən Nebenzya qeyd edib ki, Rusiya bugünkü iclasda nazir müavini səviyyəsində təmsil olunmalı idi.
Nebenzya ABŞ-nin viza imtinasını tənqid edərək bu ifadələri işlədib:
"Biz bunu təkcə Vaşinqtonun BMT Sazişinə uyğun olaraq bütün üzv dövlətlərin rəsmilərinə istisnasız giriş imkanı təmin etmək öhdəliyinin pozulması kimi deyil, həm də Çinin BMT TŞ-dəki sədrliyinə və bu gün müzakirə olunan mövzuya qarşı nümayiş etdirilən kobud hörmətsizlik kimi qiymətləndiririk".
Aysel Mətləb
