7 kiloqramlıq körpə dünyaya gəldi
Buryatiyanın paytaxtı Ulan-Udedə yerləşən Respublika Perinatal Mərkəzində qeyri-adi doğuş baş verib.
TodayPress TV xəbər verir ki, təxminən 7 kiloqram çəkidə qız uşağı dünyaya gəlib.
Mərkəzdən verilən məlumata görə, körpənin çəkisi 6700 qram, boyu isə 66 santimetr olub. Həkimlər bu körpəni “əsl nəhəng” adlandırıblar və onun doğulmasını nadir hadisə kimi qiymətləndiriblər.
Doğuşun uğurlu keçməsi yüksək peşəkarlığa malik tibb komandasının koordinasiyalı fəaliyyəti sayəsində mümkün olub. Həkimlər valideynləri təbrik edərək yeni doğulmuş körpəyə sağlam, xoşbəxt və sevgi dolu bir həyat arzulayıblar.
Türkan İsgəndərli
